செங்குந்தர் கைக்கோள முதலியார்
⚜️குலத் தோன்றல்⚜️
ஒன்றுபட்ட வட ஆற்காடு மாவட்டத்தின் மாபெரும் அரசியல்வாதி, திமுகவை வளர்த்தெடுத்த
எஸ். முருகையன் முதலியார் exMP, exMLA, ex Chairman.
 |
குடும்பம்:
வட ஆற்காடு மாவட்டம் திருப்பத்தூரில் செங்குந்த கைக்கோளர் குலத்தில் சுப்பிரமணிய முதலியார் - வள்ளியம்மாள் தம்பதியருக்கு மூன்றாவது பிள்ளையாக 07.08,1920ஆம ஆண்டில் பிறந்தார். இவருக்கு முன் சண்முகம் என்ற அண்ணனும் விசாலாட்சி என்ற அக்காவும் இவருக்கு பின் சிவகாமி, புனிதவதி என்ற இரண்டு தங்கையும் உள்ளனர். இவர் பிறந்த சிறிது காலத்திலே தாய் இயற்கையடைந்ததால் தனது பாட்டியே இவரை வளர்த்தார் திருப்பத்தூர் நகராட்சி உயர்நிலை பள்ளியில் தனது பள்ளிப் படிப்பை பயின்றார். தனது இளமைப் பருவத்தை திருப்பத்தூரிலே பெரிதும் கழித்தார். 11.07.1940 அன்று திருவண்ணாமலை பெருநிலக்கிழார் சாமி முதலியார் பேத்தி அமராவதி அம்மாள் என்பவரை திருமணம் செய்துக்கொண்டார். தமிழ் மட்டும் அல்லாமல் ஆங்கிலம் மொழிகளையும் சரளமாக பேசுவார்.
வாழ்க்கை:
பாவேந்தர் பாரதிதாசனின் நெருங்கிய உறவினரான இவர் தமிழ் மொழி மீது மிகுந்த பற்று உடையவர்.
1939ஆம் ஆண்டு இவரின் அண்ணன் சண்முகத்தின் வழியே நீதிக்கட்சியில் தன்னை ஈடுபடுத்திக்கொண்டார்.
பிறகு பேரறிஞர் அண்ணாதுரை முதலியாரின் கொள்கைகளால் ஈர்க்கப்பட்டு தி.மு.க கட்சியில் இணைந்து அண்ணாவின் தளபதியாக வடத் தமிழகத்தில் திராவிட முன்னேற்றக் கழகத்தை வளர்த்ததில் இவருக்குப் பெரும் பங்கு உண்டு.
அதில் இயங்கியவர் பின்னர் திமுகவில் குடும்ப அரசியலை எதிர்த்து 1993ஆம் ஆண்டு மறுமலர்ச்சி திராவிட முன்னேற்ற கழக்கத்தில் தன்னை இணைத்துக் கொண்டவர் பின் 1996ஆம் ஆண்டு தன்னை மீண்டும் கலைஞர் கருணாநிதியின் பேச்சுவார்த்தைக்கு பிறகு தி.மு.க.-வில் இணைத்துக் கொண்டார்.
திராவிட முன்னேற்ற கழகம் நடத்திய எல்லாப் போராட்டங்களிலும் கலந்துகொண்டார். போராட்டத்தில் ஈடுபட்ட தற்காக மூன்று மாதங்கள் சிறையிலும் இருந்துள்ளார். 1962ஆம் ஆண்டு விலைவாசி உயர்வு எதிர்ப்புப் போராட்டம் என ஐந்து முறை சிறை புகுந்தார்.
பொறுப்புகளும் - பதவிகளும்
வட ஆற்காடு மாவட்டத் திராவிட முன்னேற்றக்கழகச் செயலாளர்
திருவண்ணாமலை மாவட்டத் திராவிட முன்னேற்றக் கழகச் செயலாளர்.
திராவிட முன்னேற்றக் கழகத்தின் மத்திய செயற்குழு உறுப்பினர்.
1955 முதல் 1964 வரை திருவண்ணாமலை நகராட்சி மன்ற உறுப்பினர்.
1963-ஆம் ஆண்டு உணவு மற்றும் வளர்ச்சிக் குழுவின் உறுப்பினர்.
1963 முதல் 1964 வரை மதிப்பீட்டுக்குழு உறுப்பினர்.
மத்திய அரசின் இந்தி திணிப்பு கொள்கையை எதிர்த்து போராடிய 6 முறை சிறை சென்றார்.
உணவு மற்றும் உணவு மேம்பாட்டு ஆலோசனைக் குழுவின் கவுன்சிலராக 1963 ஆம் தேர்ந்தெடுக்கப்பட்டார்.
மாநில தொழில்துறை மேம்பாட்டுக் குழு மாவட்ட கவுன்சிலராக 1965 ஆம் ஆண்டு தேர்ந்தெடுக்கப்பட்டார்.
1986 முதல் 1990 வரை திருவண்ணாமலையின் நகர்மன்றத் தலைவராகவும், நகர்மன்றத் தலைவராக இருந்தபோது தமிழ்நாட்டில் இருக்கின்ற அனைத்து நகராட்சி நகரமன்ற தலைவர்களுக்கும் தலைவராகவும், குடிநீர் வடிகால் வாரிய இயக்குனராகவும் திகழ்ந்தவர்.
1965 முதல் 1966 வரை சிறப்புரிமைக் குழு உறுப்பினராகவும் பணியாற்றியுள்ளார்.
1986 முதல் 1991 வரை திருவண்ணாமலை நகர மன்றத்தின் தலைவர்
மூன்று முறை MLA வாக வெற்றிப்பெற்றவர்.
1.1962ஆம் ஆண்டில் துரிஞ்சிபுரம் தொகுதியில் வெற்றி பெற்றார்.
2. 1967ஆம் ஆண்டில் கலசபாக்கம் தொகுதியில் வெற்றி பெற்றார்.
3. 1971ஆம் ஆண்டில் மீண்டும் கலசபாக்கம் தொகுதியில் வெற்றி பெற்றார்.
ஒரு முறை மக்களவைக்கு MP ஆக வெற்றிப்பெற்றார்
1. 1980ஆம் ஆண்டில் திருப்பத்தூர் மக்களவை தொகுதியில் வெற்றி பெற்றார். (தற்போது திருவண்ணாமலை தொகுதி என்று பெயர் மற்றம் செய்யப்பட்டது)
கல்வி பணி
1970-ஆம் ஆண்டு ஆகஸ்ட் மாதம் பதினான்காம் நாள் சண்முகா தொழிற் சாலை உயர்நிலைப் பள்ளியைத் திருவண்ணாமலை நகரில் நிறுவினார். இப்பள்ளியானது 1980-ஆம் ஆண்டு ஜூன் மாதம் இருபத்தாறாம் நாள் மேல்நிலைப்பள்ளியாக உயர்ந்தது.
1990-ஆம் ஆண்டு ஆகஸ்ட் மாதம் ஒன்பதாம் நாள் அமராவதி முருகையன் பெண்கள் உயர்நிலைப்பள்ளியைத் திருவண்ணாமலை நகரில் நிறுவினார்.
பொதுச் சேவைகள்
அரசியல் மூலம் பொதுச்சேவைகள் செய்ததோடு மட்டுமல்லாமல் மக்களின் உடல்நலம் கருதி 1995-ஆம் ஆண்டு அக்டோபர் மாதம் மூன்றாம் நாள் அமராவதி அமராவதி முருகையன் மருத்துவமனையை தொடங்கினார்.
முருகையனின் சீரிய முயற்சியால் 1997-1998 ஆண்டில் திருவண்ணாமலை நகரில் சண்முகா தொழிற்சாலை கலை மற்றும் அறிவியல் கல்லூரி தொடங்கப்பட்டது.
சு.முருகையன் நினைவு மாதிரி மேல்நிலைப் பள்ளி என்ற பெயரில் ஒரு கல்வி நிறுவனம் திருவண்ணாமலையில் இயங்கி வருகிறது. இப்பள்ளியை எஸ்.முருகையன் அவரின் பேரன் சீனி. கார்த்திகேயன் அவர்கள் பள்ளியையும் அவரின் பெரியரில் பல கல்வி தொண்டினையும் / திருவண்ணாமலை செங்குந்தர் சங்கத்தையும் நல்ல முறையால் நிர்வாகம் செய்துக் கொண்டு இருப்பது குறிப்பிடத்தகுந்தது. இன்னொரு பேரன் தணிக்கைவேல் திரைப்பட தயாரிப்பாளராக உள்ளார்.
தொகுதி மக்களின் பேராதரவை பெற்றிருந்த போதிலும் தனது இறுதிக் காலத்தில் இப்பகுதி மக்களின் கல்வி தொழில் சார்ந்த முன்னெடுப்புகளை நிகழ்த்தியவர் வயது முதுமையும் உடல் நல பாதிப்பாலும் தனது 83ஆம் வயதில் 2003ஆம் ஆண்டு ஜனவரி 6ஆம் தேதி இயற்கையடைந்தார்.
போஸ்ட் கார்டு MLA., என்று அழைக்கப்படும் முருகையன் அவர்களைப் பற்றி
தொகுதி மக்கள் தங்கள் பகுதி சார்ந்த குறைகள் எதுவாக இருந்தாலும் அவற்றை ஒரு அஞ்சல் அட்டையில் எழுதி ஐயா முருகையன் அவர்களுடைய முகவரிக்கு அனுப்பினால் போதும். அவ்வாறு தொகுதி மக்களிடம் இருந்து வரும் கடிதத்தை படித்து அவற்றை துறை சார்ந்த நடவடிக்கைகளுக்கு அனுப்பி தீர்த்து வைப்பார். யாரும் தன்னை சந்திக்கவோ காத்திருக்கவோ வேண்டாம் என்றும் நேரத்தை வீணாக்காமல் ஒரு அஞ்சல் அட்டையில் தெரியப்படுத்தினால் போதும் என கூறியவர். உயர்மட்ட தலைவர்களுடன் மிக நெருக்கமாக இருந்த போதிலும்
மக்களிடத்தில் வெகு இயல்பாய் மக்களில் ஒருவராய் அவர்களின் தலைவராய் விளங்கியவர்..
போஸ்ட் கார்ட் எம்.எல்.எ என்று பலர் அமரர் எஸ்.முருகையன் அவர்களை அழைப்பதும் உண்டு..
ஐயா அவர்களின் நூற்றாண்டை போற்றி கொண்டாடுவோம்.
நினைவுகள்:
எஸ். முருகையன் நினைவு மாடல்மெட்ரிகுலேஷன் மேல்நிலைப்பள்ளி இவர் நினைவாக திருவண்ணாமலையில் ஓர் பள்ளி உள்ளது.
இப்படி திமுகவை வளர்த்தெடுத்த ஒன்றுபட்ட வட ஆற்காடு மாவட்ட(இன்றைய வேலூர், திருப்பத்தூர், இராணிப்பேட்டை, திருவண்ணாமலை மாவட்டம்) செங்குந்த கைக்கோள முதலியார் சமூக முருகையன் என்ற ஆளுமை. ஆனால் இன்று வட ஆற்காடு மாவட்டத்தில் ஒரு MLA வாய்ப்பு கூட திமுக 2026 தேர்தலில் கொடுக்கவில்லை. வட ஆற்காடு மாவட்ட 9 மாவட்ட செயலாளரில் ஒரு மாவட்ட செயலாளர் கூட செங்குந்த கைக்கோள முதலியார் இல்லை.
______________________________________
..
