திருவண்ணாமலை சாமி முதலியார் குடும்பம்

 

திருவண்ணாமலை செங்குந்தர் கைக்கோளர் முதலியார்களில் 

130 ஆண்டுகளுக்கு முன்பு வாழ்ந்த 

திருவண்ணாமலை. சாமி முதலியார் குடும்பம் பற்றிய குறிப்பு 

அக்காலத்தில் வெள்ளைக்காரன் வந்து பள்ளிக்கூடங்களைத் திறந்தான் ஆனால் அவன் கிறிஸ்தவ மெஷினரி (மதத்தையும் பரப்பும் விதமாக) பள்ளிக்கூடங்களை ஆரம்பித்தான்

நம்முடையடைய ஆட்கள் வெள்ளைக்காரனிடம் 300 ஆண்டுகள் அடிமைப்பட்டுக் கிடந்தோம் 

மேலும் அக்காலத்தில் படிக்காமல் இருப்பது படிப்பதை காதில் கூட

கேட்க கூடாது என்று சொன்னது.

அதுவும் 130 ஆண்டுகளுக்கு முன்பு

தி.சாமிமுதலியார் காலத்தில் ஊரில் பள்ளிக்கூடங்கள் இருந்ததில்லை

அப்படி ஓரிரு பள்ளிகள் இருந்தாலும் அவை திண்ணைப் பள்ளிக்கூடங்கள்

அதில் ஜமீன்தாரர் வீட்டுப் பிள்ளைகள்

பணக்காரர்  செல்வந்தர் பணம் கட்டிப் படிக்கும் பிள்ளைகள் மட்டுமே படித்தார்கள் படிக்க முடிந்தது

ஆனால் சமுதாய பற்றாளராகவும்,  பலம் படைத்த செல்வந்தராகவும் இருந்த  

சாமி முதலியார் சாமான்யர்களும் படிக்க  "விக்டோரியா இந்துபள்ளி என்ற பள்ளிக் கூடத்தைத் திறந்தார் 

இன்றைக்கு 100 கோடிக்கான ரூபாய் மதிப்பு பெறும் அந்த பெரியஇடத்தையும் இந்த பள்ளிக்கு "தர்ம "மாக கொடுத்தார்.

இரண்டு தலைமுறைக்கு முன்னதாக  திருவண்ணாமலை நகரத்தைக் சேர்ந்த பெரும்பாலனவர்கள் விக்டோரியா இந்து பள்ளியில் படித்தவர்கள் தான்

தி.சாமி முதலியாருக்கு மூன்று ஆண் பிள்ளைகள்

1. டி.எஸ். முத்துக்குமாரசாமிமுதலியார்

2. டி.எஸ். நாரயணசாமி முதலியார்

3. டி.எஸ். ராமு முதலியார்

திருவண்ணாமலை அண்ணாமலையார் திருக்கோயிலில் தை மாதம் மாட்டுப்பொங்கல் அன்று விடியற்காலை 5.30 மணியிலிருந்து 6 - 00 மணிக்கு

அண்ணாமலையாருக்கு நடைபெறும் முதல் ஆராதனை அபிஷேகம் முதல் மண்டகப்படி

தி.சாமி முதலியார் குடும்பத்து மண்டகப்படி தான்

ராஜ ( ராய ) கோபுரத்துக்கு வடக்கில் இருக்கும் திட்டு வாயிற்படியிலேயே இந்த முதல்மண்டகப்படிஆராதனை மாட்டுப்பொங்கல் அன்று சூரிய உதயத்தில் நடக்கும்

அந்தக் குடும்பத்து அபிஷேக ஆராதனை நடந்த பிறகுதான்உற்சவ மூர்த்திகளே

திருவூடலுக்கு போகும்

அப்படி இந்த ஊரின் முதல் குடும்பம் பெரிய குடும்பம் அந்தக் குடும்பம்

அந்தப் பெரிய குடும்பத்தின் மூத்த பிள்ளைதி. சாமி முதலியாரின் முதல்ம கன் டி.எஸ்.முத்துக்குமாரசாமி முதலியார் என்பவர் திருவண்ணாமலை நகரமன்ற தலைவராக பதவி வகித்தவர்

1929 முதல் 1939 வரை 10 ஆண்டு காலம் திருவண்ணாமலை நகரமன்ற தலைவராக சிறப்பாக பணிபுரிந்து இருக்கிறார்

அண்ணாமலையார் திருக்கோயிலின் அறங்காவலராகவும்

அறங்காவல் குழுவின் தலைவராகவும் இருந்திருக்கிறார்

இன்றைக்கு வளர்ந்து விரிந்து பரந்து பெருநகராகவிளங்கும்

திருவண்ணாமலைக்கு சாத்தனூர் அணையிலிருந்து ராட்சத குழாய்களின் மூலமாக தண்ணீர் கொண்டு வரப்படுகிறது  வருகிறது.

ஆனால் 90 வருடங்களுக்கு முன் திருவண்ணாமலை மக்கள் கிணற்று நீரை மட்டுமே நம்பி கிணற்று 

 தண்ணீரை பயன்படுத்தி வந்த போது

திருவண்ணாமலைக்கு மேற்கே மூன்று மைல் தூரத்தில் இருக்கும் சமுத்திர ஏரிக்கு கீழே பிரமாண்ட கிணறுகளை வெட்டி அதிலிருந்து மோட்டார் வைத்து இறைத்து குழாய்கள் மூலமாக

திருவண்ணாமலை நகருக்கு தண்ணீர் கொண்டு வந்து கொடுத்தவர் டி.எஸ்.முத்துக்குமாரசாமி முதலியார் தான்

இப்பொழுது கூட திருவண்ணாமலை நகரில் மிச்ச மீதமிருக்கும் தெருக் குழாய்களை _ பழைய தெருக் குழாய்களை பார்த்தால்

அந்தத் தெருக் குழாய்களில் பெயர் கல்வெட்டுகள் இருக்கிறது

அந்தக் குடிநீர்க்குழாய் கல்வெட்டுகளில் 90 சதவீதம் நகராட்சி தலைவர் என்று டி.எஸ்.முத்துக்குமாரசாமி முதலியார்

பெயர் தான்பொறிக்கபட்டிருக்கும்   

ஆணையாளர் என்ற இடத்தில் ஆங்கிலேயர்களின் பெயர் இருக்கிறது.

நான் 1960 களில் பள்ளிக்கு படிக்க வந்த காலத்தில் இப்போது இருப்பது போல் ஓட்டல்கள் டீ கடைகள் இல்லை

பாட்டல் வாட்டர்களும் இல்லை

தண்ணீர் தாகம் என்றால் என்னைப் போன்ற வெளியூர்க்காரர்கள் குழாய்த் தண்ணீரைத்தான்குடிப்போம்

குழாயைத் திறந்துவிட்டு தண்ணீரை குடித்துவிட்டு முகம் கை கால்களையும் கழுவுவோம்

முத்துக்குமாரசாமி முதலியார் குடும்பத்திற்கு திருவண்ணாமலைக்கு தெற்கே கீழ் அணைக்கரை  சாவல்பூண்டி சமுத்திரம் கிராமங்களில் பல ஆயிரம் ஏக்கர் ஏராள நஞ்சை புஞ்சை நிலங்கள் இருந்ததுஅதுவும் சமுத்திர ஏரியின் தண்ணீர் பாயும் நிலங்கள்.

அடிக்கடி நிலத்தை சாகுபடியைபார்க்க சமுத்திர ஏரிக்கு கீழே போகும் போது

அவருக்கு தோன்றி இருக்கிறது

வளர்ந்துவரும் இந்த ஊருக்கு சமுத்திரம் ஏரிக்கு கீழே பிரமாண்ட கிணறுகளை வெட்டினால் தான் அதிலிருந்துவற்றாமல் தண்ணீர் கிடைக்கும் என்று திட்டமிட்டு கிணறுகளை வெட்டி

முதன்முதலாக திருவண்ணாமலைக்கு குழாய் மூலம் தண்ணீர் கொண்டு வந்தவர் டி.எஸ். முத்துக்குமாரசாமி முதலியார்

இப்பொழுது நகரம் முழுதும் மின்சாரம் வந்து விட்டது. தெருவிளக்குகள் ஒளிர்கின்றது

90 வருடங்களுக்கு முன்பு திருவண்ணாமலையின் ஒவ்வொரு தெரு வின் முகப்பிலும்ஒரு பெரிய கல்தூண் நடப்பட்டிருக்கும் 

அந்த .கல்தூணின் உச்சியில் மண்எண்ணைய்லாந்தர் - சிம்னி தான் இரவு நேரங்களில் பெயருக்கு "மினுக்" "மினுக்" எனமின்மினிப் பூச்சி போல    தூரத்து நட்சத்திரம் போல் எரியும்

டி.எஸ்.முத்துக்குமாரசாமி முதலியார் திருவண்ணாமலை நகராட்சி தலைவராக வந்த போது தான் அவர் தான் அன்றைய திருவண்ணாமலை நகரம் முழுவதும் முதன்முதலாக மின்சார விளக்குகளை அமைத்தவர்

அதே போல நகரத்து குப்பைகளை அள்ளுவதற்கு அள்ளி அவைகளை வெளியே எடுத்துச் சென்று ஒரு இடத்தில் கொட்டி எருவாக்கி விவசாயிகளுக்கு வழங்குவதற்கு திட்டம் கொண்டு வந்தவர் டி.எஸ்..முத்துக்குமாரசாமி முதலியார்

மாட்டு வண்டிகள் மூலமாக திருவண்ணாமலையிலிருந்து குப்பைகளை நகருக்கு வெளியே கொண்டு சென்று 

அவருடைய நிலங்கள் இருக்கும் கீழ் அணைக்கரை கிராமத்திற்கு அருகில்மணலூர்பேட்டை சாலையில் நகராட்சி எருக் குழிகளை ஏற்படுத்தியவர்

90 வருடங்களுக்கு முன்பு திருவண்ணாமலையில் ஆதிதிராவிடர்கள்  அண்ணாமலையார் கோயிலுக்கு போவதற்கு  தடை இருந்தது 

அதிகபட்சமாக கோபுரத்தில் நுழைந்து சின்ன நந்தி வரை கூட போக முடியாதகாலம்

அவர் அறங்காவலர் குழுத் தலைவராக இருந்த போது தான் "ஹரிஜன ஆலயப் பிரவேசம் "நடந்தது

அவரே முன்னின்று ஆதிதிராவிடர்களை ஆலயத்திற்குள் அழைத்துச் சென்றார்

அந்தக் காலத்தில் 1920 -- 1930 - 

1940 களில்

கவர்னர் கலெக்டர்

நீதிபதிகள் எல்லோரும் ஆங்கிலேயர்கள்

அவர்கள் திருவண்ணாமலை வந்தால்

தங்கினால் அவர்களுக்கு வரவேற்பு விருந்து என்று திருவண்ணாமலையில் கொடுத்த ஒரே குடும்பம்டி .எஸ்.முத்துக்குமரசாமி முதலியார் குடும்பம் தான்.

திருவண்ணாமலையின் சிவன் படைத்தெரு என்று சொல்லப்படுகிற செம்பட தெருவும் அசலிஅம்மன் கோவில் தெருவில் 

பல சொத்துக்களும் இவர்களுக்கு சொந்தமாக இருந்தது

திருவண்ணாமலை கிரிவலம் என்று இன்றைக்கு தமிழ்நாட்டில் இருந்து லட்சக்கணக்கான மக்கள்

தமிழ்நாட்டில் இருந்தும் வெளிமாநிலங்களில் இருந்தும் ஒவ்வொரு மாதமும் பௌர்ணமியன்று 

திருவண்ணாமலை மலையைச் சுற்றி வருகிறார்கள் மலை சுற்றும் சாலை என்பது அப்போதெல்லாம் ஒற்றையடிப் பாதையாகத்தான் இருந்தது

டி.எஸ். முத்துக்குமாரசாமி முதலியார் தான் மலையைச் சுற்றி வண்டி வாகனங்கள் போகிற அளவுக்கு சாலையை செப்பனிட்டு இன்றைக்கு இருக்கிற மிகப்பெரிய சாலை உருவாவதற்கு காரணமாக இருந்தவர் டிஎஸ் முத்துக்குமாரசாமி முதலியார்.

ஒரு பக்கம் கீழ் அணைக்கரை சாவல்பூண்டி சமுத்திரம் என மூன் கிராமங்களிலும் 300 ஏக்கருக்கு மேற்பட்ட விவசாய நிலங்கள் அந்த குடும்பத்திற்கு சொந்தமாக இருந்தது. விவசாயத்தோடு இன்னொரு பக்கம் ஜவுளி வியாபாரமும் செய்தார்கள்

டாடா கம்பெனியின் அத்தனை பொருட்களுக்கும் இவர் ஏஜெண்ட்டாக இருந்தார்.

இந்துஸ்தான் லீவர் என்ற அந்த கம்பெனி தயாரித்த பொருட்களுக்கு திருவண்ணாமலை மாவட்டத்திற்கு மொத்த ஏஜெண்ட்டாக இருந்தார்.

இந்தியன் டுபொக்கோ கம்பெனியின் . சிகரெட்டுகள்  சிசர்ஸ் பிளேயர்ஸ் வில்ஸ்

பாஸுங் ஷோ  வில்ஸ்   நேவி புளு

என ஏராள சிகரெட்டுகளுக்கு மாவட்ட அளவில் ஏஜெண்டாக இருந்தார்

பாரி கம்பெனியினுடைய  

பாரி மிட்டாய் பாரிசாக்லெட்

பாரி உரம் போன்றபாரிக் கம்பெனி தயாரிப்புகளுக்கு ஏஜென்டாக இருந்தார்.

டால்மியா சிமெண்ட்டுக்கு அவர்தான் 

ஏஜண்ட்டாக இருந்தார்

முன்னாள் திருவண்ணாமலை மாவட்ட செங்குந்தர் சங்க தலைவரும், மூன்றுமுறை MLA, ஒரு முறை lok shaba MP யாக இருந்த எஸ். முருகையன் முதலியார் இவரின் தம்பி மருமகன் ஆவர்.

சேர்மன் முத்துக்குமாரசாமி முதலியாருக்கு இரண்டு தம்பிகள்

ஒருவர் டி.எஸ்.நாராயணசாமி முதலியார்

மற்றவர் டி.எஸ். ராமு முதலியார்

இந்தஇரண்டுதம்பிகளும்

சிவன் படத்தெருவில்  அண்ணன் வீட்டுக்கு கீழே அடுத்தடுத்து தனித்தனி வீடுகளில் குடி இருந்தனர்

இப்போதும் கூட பெரியவர் வீடும் சின்னவர் வீடும் இடித்து சிதைத்து கடைகள் கட்டி வாடகைக்கு விட்டு விட்டார்கள்.

டி.எஸ்.நாராயணசாமி முதலியார் வீடு மட்டும் இன்றும்பழமை மாறாமல்  அவருடைய மருமகள் நீதிமன்றம் வரை சென்று இருப்பதால் பூட்டிக் கிடக்கிறது.

டி.எஸ்.நாராயணசாமிமுதலியார் அரசியலில் நேரடியாக ஈடுபடவில்லை என்றாலும் அவருடைய மனைவி விசாலாட்சி அம்மாள் நகரமன்ற உறுப்பினராக இருந்தவர்

நாராயணசாமி முதலியார் தன் அப்பா சாமிமுதலியார்விக்டோரியாபள்ளிக்கு இடம் அளித்ததை போல

இவர் நூலகத்திற்கு நகரத்தின் மையத்தில் அசலியம்மன் கோயில் தெருவில்

திருவூடல் தெருவிற்கு செல்லும் இடது மூலையில் தற்போது சாந்தி ஜூவல்லர்ஸ் நகைக்கடைக்கு எதிரில்

இன்று கோடிக்கணக்கில் விலை போகும் இடத்தை" நாராயணசாமி வாசகசாலை " என்ற பெயரில் ஒரு நூலகத்திற்கு நகரமன்றத்திற்கு இலவசமாக கட்டடத்தை வழங்கி உள்ளார்

அந்த "நாராயணசாமி வாசகசாலையில் சின்ன வயதில் என்னைப் போன்ற ஏராளமானவர்கள் அங்கு தின வார மாத பத்திரிக்கைகளை  படித்திருக்கிறோம்

நகரத்தின் மையத்தில் நகர மன்றத்திற்கு ஒப்படைக்கப்பட்டுள்ள அந்தக்கட்டடம் இன்று மூடி சிதிலமடைந்து நாசமாகிக் கொண்டு இருக்கிறது

திருவண்ணாமலை அய்யங்குளத் தெருவில் உள்ள திருவண்ணாமலை பால் உற்பத்தியாளர் கூட்டுறவு சங்கத்திற்கு இவர்  தலைவராக இருந்த போது சொந்தமாக சங்கத்திற்குஇடம் வாங்கிக் கொடுத்தார்    

இன்றைக்கு அந்த இடத்தில் தான் பால் கூட்டுறவு சங்கம் இயங்கி வருகிறது

இவருக்கு சொந்தமாக கீழ் அணைக்கரை கிராமத்தில் இன்றைக்கும் ஏராளநிலம் இருக்கிறது.

நாராயணசாமி முதலியாருக்கு ஒரே மகன்.என்.சாமிக்கண்ணு ராஜ், திமுக நகரமன்ற உறுப்பினராக பதவி வகித்தவர். அந்தக் காலத்திலேயே விதவிதமான கார்களை வாங்கி ஓட்டியவர். திருவண்ணாமலையில் மிக வேகமாக கார் ஓட்டுபவர் என்று கருதப்பட்டவர்.

திருவண்ணாமலையில் "சாமி  லாட்ஜ் " என்று அசலி அம்மன் கோயில் தெருவில் அந்தக் காலத்திலேயே " விடுதி "நடத்தியவர்

இன்னொரு தம்பி டி எஸ்.ராமு முதலியார். சிவன் படத்தெருவில் கடைசி பங்களா வீடு

"மைனர் "போல் வாழ்ந்தவர் இன்று அந்த பங்களா வீட்டை அவருடைய வாரிசுகள் விற்று விட்டதாக தெரிகிறது முழுவதுமாக கடைகளாக இருக்கிறது.

திருவண்ணாமலை. சாமி முதலியார் தானமாக கொடுத்த 100 கோடி மதிப்புள்ள தோத்துக்களை அரசியல் கட்சிக்காரர்கள் அபகரிக்கும் முயற்சி நடந்து வருகிறது.

தகவல்: சாவல் பூண்டி மா.சுந்தரேசன்